Ísleifur Sesselíus Konráðsson

1889 - 1972  (83 ára)

• Fornafn	Ísleifur Sesselíus Konráðsson  [1, 2]
  Fæðing	5 feb. 1889	Stað í Steingrímsfirði, Hrófbergshr., Strandasýslu, Íslandi   [2]
  Andlát	9 jún. 1972	Borgarspítalanum, Reykjavík, Íslandi   [1, 3]
  Greftrun	19 jún. 1972	Drangsneskirkjugarði, Kaldrananeshr., Strandasýslu, Íslandi   [1]
  		Ísleifur Sesselíus Konráðsson Plot: 12
  		Ísleifur Sesselíus Konráðsson Plot: 12
  		Ísleifur Sesselíus Konráðsson Plot: 12
  Nr. einstaklings	I15671	Legstaðaleit
  Síðast Breytt	21 des. 2021

  
  

• Athugasemdir

  Ísleifur Sesselíus Konráðsson listmálari, fæddist á Stað í Steingrímsfirði 5. febrúar 1889. Hann ólst upp að mestu á Hafnarhólmi á Selströnd, en átti síðar heima á Gautshamri og víðar um Strandir og Vestfjörðum. Ísleifur stundaði ýmis störf framan af ævinni, um skeið vann hann t.d. í veitingahúsinu á Hovedbanegården í Kaupmannahöfn, sigldi í 5 ár á skipinu Friðrik VIII til Ameríku og lengst af stundaði hann verkamannavinnu hjá Ríkisskipum við Reykjavíkurhöfn. Hann byrjaði að mála rúmlega sjötugur að aldri, þá hættur að vinna erfiðisvinnu. Sjálfur sagði hann svona frá því hvernig til kom að hann byrjaði að mála. "Ég hafði aldrei snert á pensli áður en ég hætti að vinna og komst á ellilaun. En málaraferill minn hófst á því að ég hitti Jóhannes Kjarval af tilviljun, þar sem hann stóð fyrir utan verslunina Málarann og var með málningartæki undir hendinni. Ég vík mér að honum og segi: "Gott áttu að geta farið út í náttúruna og málað." "Farðu bara sjálfur út og málaðu," sagði þá listamaðurinn. Ég sagði honum þá að ég hefði ekkert lært til þeirra hluta, en Jóhannes fussar á það og segir að námið sé aukaatriði og ég skuli bara fara út og reyna. Þar sem ég var með fyrstu ellilaunin í vasanum, fór ég að orðum hans og vatt mér inn í Málarann og keypti striga og tæki. Fyrsta myndin sem ég málaði var af Hjálp í Þjórsárdal. Seldi ég hana fínni frú, keypti mér meiri striga og hélt áfram að mála." Fyrsta sýning hans var haldin 1962, en sýningar hans urðu alls átta innanlands. Stuttu fyrir andlát hans voru verk hans sýnd í Stokkhólmi Ísleifur sótti mjög efni í myndir sínar í íslenska þjóðtrú og ferðaðist víða um landið og málaði þjóðsagnastaði. Ísleifur lést á Borgarspítalanum 9. júní 1972 og var jarðaður í Drangskirkjugarði 19. júní 1972. [2, 4, 5, 6]

  
  

• Ljósmyndir

  Ísleifur Konráðsson með eina af myndum sínum.

  
  

  Andlitsmyndir

  Ísleifur Sesselíus Konráðsson




• Kort yfir atburði		Fæðing - 5 feb. 1889 - Stað í Steingrímsfirði, Hrófbergshr., Strandasýslu, Íslandi Andlát - 9 jún. 1972 - Borgarspítalanum, Reykjavík, Íslandi Greftrun - 19 jún. 1972 - Drangsneskirkjugarði, Kaldrananeshr., Strandasýslu, Íslandi  = Tengill á Google Earth
  Skýringar á merkingum	: Heimilisfang       : Staðsetning       : Bær/Borg       : Hreppur       : Sýsla       : Land       : Ekki stillt

  
  

• Heimildir

  [S1] Gardur.is. [S31] Morgunblaðið, 11.06.1972, s. 2. [S175] Þjóðviljinn, 15.06.1972, s. 15. [S31] Morgunblaðið, 28.11.1970, s. 3. [S31] Morgunblaðið, 13.11.1963, s. 4. [S31] Morgunblaðið, 03.02.1962, s. 3.