Ágústa Margrét Frederiksen

1919 - 2015  (95 ára)

• Fornafn	Ágústa Margrét Frederiksen  [1, 2]
  Fæðing	16 jún. 1919	Reykjavík, Íslandi   [1, 2]
  Andlát	8 maí 2015	Landspítalanum í Fossvogi, Reykjavík, Íslandi   [1, 2]
  Greftrun	22 maí 2015	Hrepphólakirkjugarði, Hrunamannahr., Árnessýslu, Íslandi   [1, 2]
  		Ágústa Margrét Frederiksen Plot: A-16
  Nr. einstaklings	I13934	Legstaðaleit
  Síðast Breytt	28 ágú. 2021

  
  

• Athugasemdir

  Ágústa Margrét átti viðburðaríka ævi, hún ólst upp í Reykjavík og gekk í Austurbæjarskóla, sem unglingur vann hún við barnapössun hjá Margréti Guðmundsdóttur og Páli Guðmundssyni á Dalbæ í Hrunamannahreppi. Eftir að hún fullorðnaðist vann hún í versluninni Gefjun í Reykjavík. Hún eignaðist tvö börn, rétt um og eftir seinna stríð. Dóttir hennar Klara var alin upp hjá kjörforeldrum þeim Klöru og Magnúsi. Grétar Pál, elsta son sinn, fór hún með í Dalbæ og ólst hann að mestu leyti upp hjá þeim Margréti og Páli. Eftir að Ágústa giftist Ólafi hófu þau búskap í Hveragerði, áttu þau saman Halldór og Reyni, en þau slitu síðar samvistum árið 1957. Ágústa vann um tíma á garðyrkjustöðvum og á Heilsuhælinu (NLFÍ) í Hveragerði. Í kringum 1972 flutti hún til Margrétar og Páls í Dalbæ. Þar sem hún hóf störf við sláturhúsið á Miðfelli. Eftir að Margrét og Páll brugðu búi dvaldi hún um tíma ýmist hjá Brynjólfi og Kristjönu, Dalbæ 2, eða Jóhanni og Hróðnýju á Dalbæ. Dalbæjarfólkið var henni einkar hjartfólgið, það reyndist henni ávallt vel í gegnum tíðina. Oft dvaldi hún hjá börnum sínum og aðstoðaði við barnauppeldið á barnabörnunum til lengri og skemmri tíma. Á þessu græddu barnabörnin sem dáðu hana og elskuðu. Það kom að því að hún flutti aftur í húsið sitt í Laufskógunum í Hveragerði, þar bjó hún ásamt Halldóri syni sínum í mörg ár. Þegar kom á efri ár flutti hún á Dvalarheimilið Ás í Hveragerði þar sem hún bjó í átta ár, síðastliðin fjögur ár bjó hún á hjúkrunarheimilinu Grund við gott atlæti, hún lést á Landspítalanum í Fossvogi eftir stutt veikindi. [2]

  
  

• Andlitsmyndir

  Ágústa Margrét Frederiksen




• Kort yfir atburði		Fæðing - 16 jún. 1919 - Reykjavík, Íslandi Andlát - 8 maí 2015 - Landspítalanum í Fossvogi, Reykjavík, Íslandi Greftrun - 22 maí 2015 - Hrepphólakirkjugarði, Hrunamannahr., Árnessýslu, Íslandi  = Tengill á Google Earth
  Skýringar á merkingum	: Heimilisfang       : Staðsetning       : Bær/Borg       : Hreppur       : Sýsla       : Land       : Ekki stillt

  
  

• Heimildir

  [S1] Gardur.is. [S31] Morgunblaðið, 22-05-2015.