Elsa Guðbjörg Vilmundardóttir

1932 - 2008  (75 ára)

• Fornafn	Elsa Guðbjörg Vilmundardóttir  [1, 2]
  Fæðing	27 nóv. 1932	Vestmannaeyjum, Íslandi   [1, 2]
  Andlát	23 apr. 2008	Landspítalanum í Fossvogi, Reykjavík, Íslandi   [1, 2]
  Greftrun	7 maí 2008	Skeiðflatarkirkjugarði, Hvammshr., V-Skaftafellssýslu, Íslandi   [1]
  		Elsa Guðbjörg Vilmundardóttir Plot: 232
  Nr. einstaklings	I14991	Legstaðaleit
  Síðast Breytt	9 nóv. 2021

  
  

• Athugasemdir

  Fyrstu tvö ár ævi sinnar bjó Elsa í Vestmannaeyjum með foreldrum sínum. Hún fluttist þá með þeim til Siglufjarðar en faðir hennar drukknaði skömmu síðar og fór hún þá í fóstur til móðurforeldra sinna að Fagurhóli í V-Landeyjum. Þau létust á níunda aldursári hennar og flutti hún þá með móðursystur sinni að Bollakoti í Fljótshlíð og bjó þar næstu fjögur árin þar til hún flutti 12 ára gömul til móður sinnar í Reykjavík. Elsa lauk stúdentsprófi frá Menntaskólanum í Reykjavík 1953 og hélt til náms í Stokkhólmi árið 1958 þar sem þau Pálmi kynntust. Árið 1963 lauk hún fil. kand.-prófi í jarðfræði frá Stokkhólmsháskóla og í kjölfarið fluttu þau Pálmi heim. Þau bjuggu fyrst í Reykjavík en fluttu í Hrauntungu í Kópavogi ásamt börnunum tveimur árið 1969. Þar bjuggu þau allt til 2004 þegar þau fluttu heimili sitt að Kaldrananesi í Mýrdal. Árið 1963 hóf Elsa störf hjá Raforkumálaskrifstofunni, síðan hjá Orkustofnun, þegar hún varð til árið 1967. Þar vann hún allan sinn starfsferil við jarðfræðirannsóknir og gerð jarðfræðikorta þar til hún fór á eftirlaun árið 2002. Eftir það vann hún einkum að kortlagningu móbergs á eystra gosbeltinu í samvinnu við Orkustofnun og Íslenskar orkurannsóknir. Elsa var formaður Soroptimistaklúbbs Kópavogs 1977-1979 en vann auk þess ýmis trúnaðarstörf fyrir klúbbinn. Þá sat hún í stjórn Náttúruverndarsamtaka Suðvesturlands. Hún var einn af stofnendum Heilsuhringsins og sat í stjórn hans frá 1977 og var m.a. varaformaður í 16 ár. Hún var formaður starfsmannafélags Orkustofnunar 1983-1985 og einn af 13 stofnfélögum Jarðfræðafélags Íslands og var formaður þess árin 1986-1990. Hún gekk til liðs við Oddafélagið snemma árs 1991 og sat í stjórn þess frá 1991 til 2002. Þá sat hún í stjórn Kópavogsdeildar Rauða kross Íslands á árunum 2000-2003 og í stjórn Víkurdeildar Rauða kross Íslands frá 2004 til dauðadags. Elsa ritaði fjölmargar greinar í bækur og tímarit um jarðfræði og önnur áhugamál sín. Hún var meðhöfundur bóka um jarðfræðinginn og heimspekinginn Helga Pjeturss. Þá var hún meðhöfundur bókarinnar 100 Geosites in South Iceland. [2]

  
  

• Andlitsmyndir

  Elsa Guðbjörg Vilmundardóttir




• Kort yfir atburði		Fæðing - 27 nóv. 1932 - Vestmannaeyjum, Íslandi Andlát - 23 apr. 2008 - Landspítalanum í Fossvogi, Reykjavík, Íslandi Greftrun - 7 maí 2008 - Skeiðflatarkirkjugarði, Hvammshr., V-Skaftafellssýslu, Íslandi  = Tengill á Google Earth
  Skýringar á merkingum	: Heimilisfang       : Staðsetning       : Bær/Borg       : Hreppur       : Sýsla       : Land       : Ekki stillt

  
  

• Heimildir

  [S1] Gardur.is. [S31] Morgunblaðið, 07-05-2008.