Séra Sigurður Sigurðarson

1944 - 2010  (66 ára)

• Fornafn	Sigurður Sigurðarson  [1, 2]
  Titill	Séra
  Fæðing	30 maí 1944	Hraungerði í Flóa, Hraungerðishr., Árnessýslu, Íslandi   [1]
  Menntun	1965	Menntaskólanum í Reykjavík, Reykjavík, Íslandi   [2]
  	Lauk stúdentsprófi.
  Menntun	1971	Háskóla Ísland, Reykjavík, Íslandi   [2]
  	Lauk kandídatsprófi í guðfræði.
  Hin íslenska fálkaorða	1994  [2, 3]
  	Sæmdur riddarakrossi Hinnar íslenzku fálkaorðu fyrir störf í þágu þjóðkirkjunnar.
  Hin íslenska fálkaorða	2000  [2]
  	Sæmdur stórriddarakrossi Hinnar íslenzku fálkaorðu.
  Andlát	25 nóv. 2010	Landspítalanum í Reykjavík, Reykjavík, Íslandi   [1, 2]
  Greftrun	Skálholtskirkjugarði, Biskupstungnahr., Árnessýslu, Íslandi   [1]
  		Sigurður Sigurðarson Plot: A-14
  Nr. einstaklings	I13753	Legstaðaleit
  Síðast Breytt	28 júl. 2021

  
  

• Athugasemdir

  Sigurður fæddist í Hraungerði í Flóa og ólst þar upp til tólf ára aldurs og síðan á Selfossi. Hann lauk stúdentsprófi frá Menntaskólanum í Reykjavík 1965, kandídatsprófi í guðfræði frá Háskóla Íslands 1971, meistaraprófi í guðfræði við Princeton Theological Seminary í Bandaríkjunum 1981, stundaði nám í fiðluleik í Tónlistarskóla Árnessýslu og við Tónlistarskólann í Reykjavík 1956-'67 og tók þátt í Cleveland International Program í Minnesota 1969. Sigurður var sóknarprestur í Selfossprestakalli frá ársbyrjun 1971-1994 og vígslubiskup Skálholtsstiftis frá 1994 og þar til hann lézt. Sigurður sinnti kennslustörfum um árabil og var stundakennari í kennimannlegri guðfræði við guðfræðideild Háskóla Íslands 1983-84 og 1989. Þá kenndi hann fiðluleik um skeið. Hann var félagsforingi hjá skátafélaginu Fossbúum á Selfossi, var formaður Prestafélags Suðurlands 1972-'74, sat í stjórn Prestafélags Íslands 1984-'90 og var formaður þess 1987-'89, sat í fjölda ráða og nefnda á vegum þjóðkirkjunnar. Sigurður sat í skólanefnd Sandvíkurskólahverfis 1974-'86 og var formaður hennar 1982-'86, var stjórnarformaður Bæjar- og héraðsbókasafnsins á Selfossi frá 1986, sat í stjórn Byggða- og listasafns, sat í yfirkjörstjórn á Selfossi frá 1974 og var formaður menningarmálanefndar Sjálfstæðisflokksins 1991-'94. Hann var staðgengill biskups Íslands frá árinu 2003. Sigurður ritaði bókina Þorlákur helgi og samtíð hans, útg. 1993, og skrifaði fjölda greina og hugvekjur í Kirkjuritið, Morgunblaðið og héraðsblöð Sunnlendinga. [2]

  
  

• Andlitsmyndir

  Sigurður Sigurðarson




• Kort yfir atburði		Fæðing - 30 maí 1944 - Hraungerði í Flóa, Hraungerðishr., Árnessýslu, Íslandi Menntun - Lauk stúdentsprófi. - 1965 - Menntaskólanum í Reykjavík, Reykjavík, Íslandi Andlát - 25 nóv. 2010 - Landspítalanum í Reykjavík, Reykjavík, Íslandi Greftrun - - Skálholtskirkjugarði, Biskupstungnahr., Árnessýslu, Íslandi  = Tengill á Google Earth
  Skýringar á merkingum	: Heimilisfang       : Staðsetning       : Bær/Borg       : Hreppur       : Sýsla       : Land       : Ekki stillt

  
  

• Heimildir

  [S1] Gardur.is. [S31] Morgunblaðið, 04-12-2010. [S35] Tíminn, 03.12.1994, s. 17.