Athugasemdir: Legstaðaleit

Leitarniðurstöður: 301 til 350 af 12,356

#	Athugasemdir	Tengist
301	Bjó á Ketilsstöðum í Hvammssveit 1845-1859. Síðan bóndi í Dagverðarnesi til æviloka.	Einarsson, Magnús (I17240)
302	Bjó á Læknisstöðum og Höfða á Langanesi. Fór til Vesturheims 1878 frá Höfða, Sauðaneshreppi, N-Þing. Börn vestra með Guðrúnu: 1. Margrét, f. 1898, gift Aðalsteini Jakobssyni, d. 1975; 2. Hólmfríður Júlíana Lindal, f. um 1886, d. 19.9.1984.	Helgason, Jósep (I2475)
303	Bjó á Mörk í Hálshreppi, fékkst síðar við ýmis störf á Akureyri.	Arnþórsdóttir, Fríða (I5051)
304	Bjó á Mýlaugsstöðum í Aðaldal, S-Þing., síðar á Akureyri. Húsfreyja á Húsavík 1930.	Hernitsdóttir, Laufey (I6686)
305	Bjó á Ormsstöðum frá 1845 til æviloka. Smiður og skytta.	Jónsson, Guðmundur (I17193)
306	Bjó á Rangárvöllum í Kræklingahlíð, Eyj. 1918-19. Þurfalingur á Eyrarbakka, Svalbarðssókn, S-Þing. 1930.	Ólafsson, Pétur (I3748)
307	Bjó á Torfumýri í Blönduhlíð 1887-1890, í Flugumýrarhvammi 1890-1913. Þegar Eiríkur sonur hans varð prestur í Hestþingum 1917, flutti Albert til Borgarfjarðar og varð ráðsmaður hjá Eiríki á Hesti 1917-1928, dvaldi þar til dauðadags.	Jónsson, Albert Ágúst (I10264)
308	Bjó fyrri búskaparár sín á Bjarnarstöðum, og bóndi á Neðri-Brunná sömu sveit, frá 1945 til æviloka.	Guðmundsson, Sæmundur (I20370)
309	Bjó fyrri búskaparár sín í Hvammsdalskoti, og á Staðarhóli, (Saurbæjarhreppi, Dal.) Bóndi í Þurranesi (sömu sveit) frá 1926. Mörg ár verkstjóri hjá Vegagerð ríkisins. Formaður sóknarnefndar, og gegndi fleiri trúnaðarstörfum.	Skagfjörð Ólafsson, Ólafur (I20349)
310	Bjó fyrri búskaparár sín í Sælingsdal. Bóndi á Heinabergi á Skarðsströnd, frá 1861 til æviloka.	Jónson, Hannes (I20223)
311	Bjó fyrst í Churhbridge, Sask., en síðar í Langruth. Fór til Vesturheims 1886 frá Stekkjarkoti, Kjalarneshreppi, Kjós.	Ingimundson, Bjarni (I2479)
312	Bjó fyrst í Frakkanesi, og í Hvarfsdal. Bóndi á Hnúki 1901-1937. Dó í Dagverðarnesi.	Finnsson, Finnur (I17173)
313	Bjó fyrst í Lambanesi í þrjú ár, svo á Saurhóli í sex ár, og í Þurranesi í eitt ár. Bóndi á Stóra-Múla 1904-1921, átti síðar heima þar til æviloka.	Benjamínsson, Kristján (I20582)
314	Bjó í Bakkaseli í Öxnadal og Þverbrekku 1900-01.	Jónasdóttir, Vigdís (I3855)
315	Bjó í Belgsdal 1937-1938. Síðan bóndi á Þverfelli, nema nokkur ár, er hann bjó á Kveingrjóti, og nytjaði Þverfell þaðan.	Sigurðsson, Guðmundur Tímóteus (I20569)
316	Bjó í Bolungarvík. Ókvæntur. Vinnumaður á Hóli, Hólssókn, N-Ís. 1930. Húsmaður á Grundum, Bolungarvík, síðast búsettur þar.	Halldórsson, Guðmundur (I22201)
317	Bjó í Efstadal, Ögursókn, N-Ís. Húsfreyja í Bolungarvík.	Guðmundsdóttir, Dagbjört Guðrún (I22081)
318	Bjó í Innri-Fagradal 1898-1905. Síðan bóndi á Þerfelli til 1934. Söðlasmiður	Jóhannsson, Sigurður (I20571)
319	Bjó í Klambraseli. Var í Klambraseli, Nessókn, S-Þing. 1930. Fædd 23.3.1922 skv. kb.	Kristjánsdóttir, Kristín (I6675)
320	Bjó í Króksfjarðarnesi til 1828. Bóndi í Fremri-Langey 1828-1844, og svo í Rúfeyjum. Bjó í Gjarðey í Skógarstrandarhreppi um 1860. Dó í Fremri-Langey.	Ormsson, Oddur (I20475)
321	Bjó í Múla í Aðaldal.	Ásvaldsdóttir, Unnur (I6462)
322	Bjó í Purkey allmörg fyrri búskaparár sín. Bóndi á Melum á Skarðsströnd frá því um 1780 til æviloka.	Jónsson, Ívar (I20307)
323	Bjó í Reykjavík. Fluttist síðar til Ameríku, og var þar 1906-1921, kom aftur heim, og bjó á Másstöðum. Síðar verkamaður í Reykjavík. Húsbóndi á Rauðarárstíg 13f, Reykjavík 1930.	Guðmundsson, Guðmundur (I21550)
324	Bjó í Steinkoti og Bitrugerði í Kræklingahlíð, Eyj. Daglaunamaður í Steinkoti, 1930.	Ólafsson, Jónas (I5551)
325	Bjó í Stóra-Fjarðarhorni, Fellshr. Strand. 1888-1903. Keypti þá Hvítadal í Saurbæ, Dal., og bjó þar til 1919. Fluttist þá að Fremri-Brekku, og þaðan aftur eftir tvö ár að Tjaldanesi, átti þar heima fram á síðasta æviár. Dó í Búðardal, Skarðsströnd. Framkvæmda og atorkumaður. Átti sæti í hreppsnefnd og var oddviti um skeið. Afgreiðslumaður og síðar frammkvæmdastjóri Kaupfélags Saurbæinga. Þau hjón barnlaus. Fósturbörn þeirra Stefán skáld í Bessatungu (þeir Jón bræðrasynir), Ragnheiður Guðmundsdóttir (í Stórholti, Einarssonar), Jón Ólafur Samúelsson (frá Miðdalsgröf, dó 1920 19 ára) og Kristín Guðmundsdóttir (póstmeistara Bergssonar, gift í Danmörku)	Þórðarson, Jón (I20624)
326	Bjó í Svalbarðsstrandarhr., S-Þing.	Geirsson, Rúnar Kristinn (I3569)
327	Bjó í Vestmannaeyjum til 1970, vann þar við vélgæslu, útgerð og sjómennsku. Hann var fyrsti skoðunarmaður björgunarbáta í Vestmannaeyjum. Hann gekk í Hvítasunnusöfnuðinn 16 ára gamall, og starfaði þar af miklum krafti alla tíð. Hann var forstöðumaður Betelsafnaðarins í Vestmannaeyjum frá árinu 1948-1970, og forstöðumaður Fíladelfíusafnaðarins í Reykjavík frá 1970 til ársins 1990.	Gíslason, Einar Jóhannes (I21867)
328	Bjó lengi á Á, á Skarðsströnd. Bóndi á Hvalgröfum á Skarðsströnd 1909-1915. Síðan húsmaður þar til æviloka.	Brynjólfsson, Haraldur (I20252)
329	Bjó lengi á Hvoli í Lögmannshlíð, Eyj. síðar á Akureyri. Beykir og sjómaður á Hvoli, Lögmannshlíðarsókn, Eyj. 1930.	Jakobsson, Njáll (I5467)
330	Bjó lengst á Þiðriksvöllum, og í Sunndal í Strandasýslu. Fluttist að Innri-Fagradal 1925, og átti þar heima til æviloka.	Sigurðsson, Guðjón (I20682)
331	Bjó sín síðustu ár á Kjarlaksvöllum, Saurbæjarhr., Dal., í skjóli dætra sinna Júlíönu Sigríðar Eiríksdóttur, Úlfhildar Eiríksdóttur og tengdasonar síns Sigurðar Ólafssonar, manns Júlíönu Sigríðar.	Gunnlaugsdóttir, Guðrún (I20316)
332	Bjó tvö ár í Stóra-Galtardal,(Fellsstrandarhreppi), og tíu ár í Dagverðarnesseli (Klofningshreppi). Fluttist að Kvenhóli (Fellstrandarhreppi) 1932. Reisti þar nýbýli á hálflendu, er nefnt var Sveinsstaðir. Heimajörðin var síðar sameinuð nýbýlinu og féll þá niður hið forna bæjarnafn. Sveinn bjó á Sveinsstöðum til dauðadags, og ekkja hans (Salóme Kristjánsdóttir) bjó þar til 1948.	Hallgrímsson, Sveinn (I17162)
333	Bjó um skeið í Syðri-Hofdölum, Akrahreppi, Skag., og síðar í Elivogum í Skagafirði. Bóndi í Akureyjum, Dal. frá 1945 til æviloka. Var þar við annan mann í heimili, hafði þó ábúð á 3/4 jarðarinnar.	Jónsson, Tómas (I20226)
334	Björgvin Guðmundsson fæddist að Rjúpnafell í Vopnafirði árið 1891. Snemma kom í ljós að hann var áhugasamur um söng og virtist óþreytandi að viða að sér þekkingu á því sviði allt frá barnasaldri. Fyrstur til að hvetja hann til að semja lög var Kristján Wíum organisti í Vopnafjarðarkirkju. Síðar átti það eftir að liggja fyrir honum að flytjast vestur um haf til Kanada, meðal annars svo hann mætti komast í tæri við tónlistarskóla. Starfaði Björgvin vestra um nokkurra ára skeið bæði við kórstjórn og trésmíðar og kom loks að því að stofnaður var sérstakur styrktarsjóður til að kosta Björgvin til náms í Royal College of Music í London. Þaðan útskrifaðist hann 1928 en snéri aftur heim til Íslands þremur árum síðar 1931, þegar honum bóðst að kenna við barnaskólann á Akureyri og settist það að ásamt fjölskyldu sinni. Skömmu eftir heimkomuna stofnaði hann Kantötukór Akureyrar og stjórnaði. Alls mun hann hafa stjórnað söngflokkum í 38 ár og samið á sjötta hundrað tónverk stærri eða minni, en sum af þeim umfangsmeiri en dæmi eru til eftir nokkurt annað íslenskt tónskáld. Þrátt fyrir að hafa löngum verið önnum kafinn við þessi viðfangsefni, fann hann einnig tíma til að reyna sig við önnur viðfangsefni. Árið 1941 var sýnt eftir hann á Akureyri leikritið Skrúðsbóndinn undir leikstjórn Ágústs Kvaran. Einnig skrifaði hann sjálfsævisögu sína, er hann nefndi Minningar og kom sú bók út árið 1950. A.m.k. ein smásag kom út eftir hann, og fjöldi blaðagreina. Björgvin lést á Akureyri 4. janúar 1961 og hvílir hann í Kirkjugarði Akureyrar - Naustahöfða.	Guðmundsson, Björgvin (I13699)
335	Björgvin Jónsson, Úthlíð, er fæddur að Varmahlíð undir Eyjafjöllum 13. desember 1899. Foreldrar hans voru þau hjónin Jón Stefánsson í Úthlíð og Þuríður Ketilsdóttir. Björgvin ólst upp með foreldrum sínum að Gerðakoti undir Eyjafjöllum, en fluttist með þeim árið 1912 út til Vestmannaeyja. Björgvin byrjaði ungur sjómennsku, fyrst með Árna Finnbogasyni á m/b Helgu og síðar á fleiri bátum Hann hóf formennsku á m/b Unni litlu árið 1924 og var síðar með m/b Mars I, m/b Mars II og m/b Gottu. Árið 1947 lét hann smíða fyrir sig m/b Jón Stefánsson sem var 64 tonna bátur og var með hann til ársins 1955, jafnt á vetrarvertíð sem á síldveiðum að sumrinu til fyrir Norður- og Austurlandi. Jafnframt formennsku stundaði hann útgerð allt frá 1924 til 1968, en hefur síðan unnið við alls konar veiðarfæri í landi. Kona Björgvins er Jakobína Ó. Sigurðardóttir frá Siglufirði.	Jónsson, Björgvin (I19296)
336	Björgvin ólst upp í Keflavík og bjó þar alla tíð. Hann lagði stund á sjómennsku og gerðist vélstjóri. Björgvin var til sjós frá unglingsárum til ársins 1973 er hann neyddist til að hætta sjómennsku vegna heilsubrests. Eftir það vann hann í tvö ár á Keflavíkurradíói þannig að hann var í góðum samskiptum við sjómenn á hafi úti. Eftir það hóf hann störf hjá Varnarliðinu á Keflavíkurflugvelli í vatnsdælustöðinni og starfaði þar sem vélstjóri. Hann vann þar í 27 ár eða frá árinu 1976 til ársins 2003. Á árum áður var Björgvin mikill sundmaður og synti Björgvin stakkasund á sjómannadeginum í mjög mörg ár. Sat hann um tíma í stjórn Vélstjórafélags Suðurnesja og árið 1990 var Björgvin sæmdur heiðursmerki sjómannadagsins í Keflavík.	Hilmarsson, Björgvin Theodór (I7786)
337	Björn Björnsson hvílir hjá afa sínum Haraldi Brynjólfssyni.	Björnsson, Björn (I20253)
338	Björn fluttist til Reykjavíkur með foreldrum sínum árið 1967. Þar gekk hann í Stýrimannaskólann og lauk fiskimannaprófi frá honum vorið 1969. Samhliða stundaði hann nám í flugskóla Helga Jónssonar og lauk þar námi sem einkaflugmaður sama vor og hugði á frekara flugnám síðar. Hann réðst því sem stýrimaður á vélbátinn Sæfara frá Tálknafirði um áramótin 1970 til að afla sér fjár. Hann var einkabarn foreldra sinna.	Jónsson, Björn Maron (I9562)
339	Björn fæddist í Kaupmannahöfn, sonur hjónanna Ingibjargar Benjamínsdóttur og Odds Björnssonar prentmeistara. Hann varð stúdent 1913 og lagði í fyrstu stund á raunvísindi við Kaupmannahafnarháskóla og lauk þar fyrrihlutaprófi 1917, en settist þá í guðfræðideild Háskóla Íslands og brautskráðist þaðan 1921. Hann vígðist til Þykkvabæjarklaustursprestakalls 1922 og var þar prestur til 1933, á Brjánslæk 1933 til 1935, á Höskuldsstöðum 1935-1941 og á Hálsi í Fnjóskadal frá 1945-1955. Auk prestskapar stundaði séra Björn kennslu og margháttuð ritstörf og eftir hann liggur m.a. fjöldi þýddra og frumsaminna bóka.	Oddsson Björnsson, Björn Hannes Ragnar (I8215)
340	Björn lauk prófi frá Myndlistardeild Myndlista- og handíðaskólans 1949 og kennaraprófi frá sama skóla 1952. Björn lauk enn fremur prófi í skreytilist og skiltagerð frá Bergenholts Dekoration Fagskole 1955. Björn kenndi myndlist við Austurbæjarskóla frá 1953-1977. Samhliða kennslunni stundaði hann ýmsa vinnu til sjós og lands, m.a. á Hvalfellinu með tengdaföður sínum, Snæbirni Ólafssyni skipstjóra, og í byggingavinnu með mági sínum, Elí Auðunssyni húsasmíðameistara. 1977 hélt Björn til frekara náms í myndlist í Bandaríkjunum, við Indiana State University, og lauk þaðan mastersnámi 1979. Að því námi loknu starfaði hann lengst af við kennslu í Myndlista- og handíðaskólanum og var deildarstjóri málaradeildar skólans um árabil uns hann lét af störfum fyrir aldurs sakir. En eftir það kenndi hann tækniteiknun við Iðnskólann í Hafnarfirði um nokkurra ára skeið. Jafnhliða kennslunni og til dauðadags lagði hann stund á málaralistina og sýndi verk sín á fjölmörgum einka- og samsýningum, hérlendis og erlendis.	Björnsson Birnir, Björn (I18021)
341	Björn lögmaður var sonur Markúsar Bergssonar sýslumanns í Ögri og konu hans Elínar Hjaltadóttur prests og listamanns í Vatnsfirði Þorsteinssonar. Hann lauk embættisprófi frá Kaupmannahafnarháskóla árið 1746 og varð lögmaður sunnan og austan 1757 en hafði áður verið varalögmaður og ráðsmaður á Hólum í Hjaltadal. Hann fluttist árið 1758 að Hvítárvöllum, þá að Melum í Melasveit og því næst að Leirá í Leirársveit en andaðist á Innra-Hólmi hjá Ólafi Stefánssyni stiftamtmanni sem setti honum legsteininn sem er lýst að ofan. Kona Björns, Anna Dorothea Glahn, var dönsk, ekkja Glahns hirðmatsveins.	Markússon, Björn (I17927)
342	Bóas stundaði nám við Héraðsskólann að Laugum 1950-1952, Vélskóla Íslands á Akureyri 1952-1953 og Stýrimannaskólann á Akureyri 1958. Hann stundaði sjómennsku frá Reyðarfirði 1947-1963, lengst á Snæfugli SU 20, sem vélstjóri og síðar stýrimaður. Hann kom að uppbyggingu Léttsteypunnar í Mývatnssveit árið 1963 og var verkstjóri hennar til ársins 1966 er hann hóf störf við Kísiliðjuna þar sem hann var verkstjóri yfir dælingu kísilgúrs úr Mývatni, allt til starfsloka árið 1999. Bóas sat í sveitarstjórn Skútustaðahrepps tvö kjörtímabil, 1968-1976. Hann kom að uppbyggingu og viðhaldi hitaveitu Reykjahlíðar og Voga og starfaði ötullega með björgunarsveitinni Stefáni. Frá árinu 2003 var Bóas búsettur á Hvammi, heimili aldraðra á Húsavík.	Gunnarsson, Bóas (I8365)
343	Bókavörður í Vestmannaeyjum 1949-1978.	Guðnason, Haraldur Óskar (I17476)
344	Bókavörður og þjóðsagnasafnari í Reykjavík. Stúdent á Eyvindarstöðum, Bessastaðasókn 1845. Biskupsritari í Reykjavík 1860. Húsbóndi, bókavörður í Húsi Jóns Árnasonar í Reykjavík 1880.	Árnason, Jón (I20468)
345	Bókbindari og seglasaumari í Bolungarvík.	Guðmundsson, Eyjólfur (I21971)
346	Bókbindari.	Eyfjörð Friðbjörnsson, Aðalsteinn (I18843)
347	Bókhaldari á Litlabýli, Flateyri 1930. Stjórnarráðsfulltrúi í Reykjavík 1945. Síðar bæjarfógeti í Vestmannaeyjum.	Jóhannsson, Torfi (I21887)
348	Bókhaldari í Hafnarfirði 1930. Skristofumaður í Hafnarfirði.	Magnússon, Sigurður (I21096)
349	Bóksali á Laugum.	Ólafsdóttir, Rannveig Hulda (I4610)
350	Bónd á Þverá í Vöðlavík, síðast bús. í Reyðarfjarðarhreppi.	Steindórsson, Einar (I3004)

Umsjón síðu Rakel Bára Þorvaldsdóttir. | Persónuverndarstefna.

The headstone images found on this site are for personal use only. Copying images to commercial websites (that require paid subscriptimons) or publications is prohibited. If in doubt, please contact me. Please remember to link back if you use photographs from this site.