Athugasemdir: Legstaðaleit

Leitarniðurstöður: 2,201 til 2,250 af 12,356

#	Athugasemdir	Tengist
2201	Hafsteinn stundaði nám við Iðnskólann í Reykjavík og lauk sveinsprófi í málaraiðn og vann við hana í nokkur ár. Lengst af var hann strætisvagnabílstjóri hjá SVR. Árið 1971 fluttu Hafsteinn og Lilja til Lübeck í Þýskalandi þar sem hann starfaði við Ríkisleikhúsið. Haustið 1972 fluttu þau síðan til Lúxemborgar þar sem hann starfaði hjá Cargolux. Þau fluttu heim 1982 og tók hann þá aftur til starfa hjá SVR.	Hansson, Hafsteinn (I10327)
2202	Hafði forustu um stofnun Sölumiðstöðvar hraðfrystihúsanna árið 1942. Átti hlut að stofnun Tryggingamiðstöðvarinnar og var einnig meðal stofnenda Líftryggingamiðstöðvarinnar.	Þórðarson, Ólafur (I13859)
2203	Hagur maður og listfengur.	Vilmundarson, Bjarni (I10313)
2204	Hálfbróðir konunnar á Brandsstöðum, Blöndudalshólasókn, Hún. 1880. Bóndi á Kúfustöðum.	Einarsson, Jónas (I3861)
2205	Halldór átti heima á Auðnum við fæðingu. Foreldrar Halldórs voru Ari Heiðmann Jósavinsson og Erla Margrét Halldórsdóttir). Þau bjuggu á Auðnum 1958-2007.	Arason, Halldór Heiðmann (I3789)
2206	Halldór fékkst við bókaútgáfu á námsárum sínum og gaf m.a. út ýmis rit eftir afa sinn, séra Jónas Jónasson frá Hrafnagili. Hann starfaði við Borgarfógetaembættið í Reykjavík í 25 ár. Hann var skipaður borgarfógeti 1967 og gegndi því starfi þar til hann missti sjónina árið 1974. Að lokinni dvöl í endurhæfingu fyrir nýblinda í Torquay í Bretlandi setti hann á stofn lögfræðilega ráðgjöf fyrir skjólstæðinga Öryrkjabandalags Íslands. Halldór var formaður Blindrafélagsins á árunum 1978-1986 og framkvæmdastjóri félagsins 1985-1994. Hann var varaformaður Styrktarfélags lamaðra og fatlaðra í nokkur ár. Einnig sat hann í stjórn samstarfsnefndar blindrafélaga á Norðurlöndum og var formaður þeirra um nokkurt skeið. Hann var fulltrúi Íslands við stofnun Evrópusambands blindra í Osló 1984 og við stofnun Heimssambands blindra í Rihjad í Saudi-Arabíu sama ár. Halldór sat í stjórn Umferðarráðs f.h. Öryrkjabandalags Íslands og Félags eldri borgara auk þess sem hann var fulltrúi blindra í stjórn Hjúkrunarheimilisins Eirar 1990-2008. Halldór var sæmdur riddarakrossi Hinnar íslensku fálkaorðu 1987 fyrir störf í þágu blindra á Íslandi. Þorbjörg og Halldór héldu lengst heimili í Fossvogi en síðustu ár hefur hann dvalið á Hjúkrunarheimilinu Eir í Grafarvogi.	Stefánsson Rafnar, Halldór Sveinn (I12184)
2207	Halldór ólst upp á Garðstöðum til 9 ára aldurs en þá flutti fjölskyldan í Ögur. Hann gekk í barnaskóla í Ögri og síðan í Reykjanesi. Halldór sinnti hefðbundnum bústörfum í uppvextinum og tók snemma á sig ábyrgð og skyldur í rekstri og verkstjórn búsins. Hann var tvo vetur í Reykjavík, árin 1965-1966, þegar hann stundaði sjómennsku á síðutogaranum Júpíter. Árið 1967 tók hann við búinu í Ögri ásamt eiginkonu sinni, Maríu Guðröðardóttur. Halldór sat í hreppsnefnd Ögurhrepps í fjölmörg ár. Hann var sömuleiðis hreppstjóri í mörg ár og oddviti Ögurhrepps síðustu ár hreppsins. Hann var sóknarnefndarformaður Ögurkirkju, sat í skólanefnd Reykjanesskóla og formaður Búnaðarfélags Ögurhrepps. Hann átti sæti í jarðanefnd N-Ísafjarðarsýslu og í stjórn Djúpbátsins hf. Frá 1963 var Halldór í hlutastarfi hjá Flugmálastjórn og Pósti og Síma.	Hafliðason, Halldór (I11619)
2208	Halldór var ókvæntur og barnlaus en fyrirvinna móður sinnar sem var ekkja, og yngri systkina sinna.	Sigurðsson, Halldór (I7623)
2209	Halldóra fluttist ung ásamt móður sinni að Deild á Álftanesi og var hún þar fram á unglingsár er hún flutti til Reykjavíkur.	Halldórsdóttir, Halldóra (I21402)
2210	Halldóra móðir Margrétar Elínar lýsti fyrst Björn Björnsson f. 1837, bónda í Skarðdalskoti í Siglufirði, föður að henni en hann synjaði fyrir. Við fermingu var Elín skrifuð Jónasdóttir.	Jónasdóttir, Margrét Elín (I4224)
2211	Halldóra ólst upp á Grýtu og bjó þar að mestu fram undir þrítugt. Hún vann nokkur ár á saumastofum í Reykjavík og á Akureyri en árið 1955 hóf hún störf í eldhúsi Laugaskóla í Reykjadal og varð síðar ráðskona þar. Á Laugum kynntist hún Eysteini sem var þar bryti og kenndi við skólann. Þau unnu á Laugum í fjóra vetur eða til ársins 1959 þegar þau fluttu í Mývatnssveit og stofnuðu nýbýlið Arnarvatn 4 árið eftir. Saumaskapur fórst Halldóru einkar vel úr hendi og hún hélt saumanámskeið bæði í Mývatnssveit og öðrum sveitum auk þess að sauma ýmislegt fyrir hina og þessa. Hún tók virkan þátt í búskapnum með eiginmanni sínum, vann öll almenn störf og sá um búið þegar Eysteinn þurfti að ferðast um landið og fara á fundi. Halldóra hafði oft marga menn í fæði á þeim árum þegar Eysteinn vann við vegagerð og eins var oft gestkvæmt á Arnarvatni í tengslum við störf Eysteins í þágu náttúruverndar og félagsmála. Halldóra söng í kirkjukór Skútustaðakirkju í fjölda ára og sat lengi vel í sóknarnefnd. Einnig var hún félagi í Ungmennafélaginu Mývetningi og tók þátt í leikstarfi og öðru félagsstarfi á vegum þess. Að sama skapi tók hún þátt í starfi Slysavarnadeildarinnar Hrings og sat í stjórn hennar um tíma.	Jónsdóttir, Halldóra Júlía (I10124)
2212	Halldóra ólst upp á Járngerðarstöðum. Á æskuárum Halldóru í Grindavík snérist lífið um sjósókn, fiskvinnu og að sinna þeim bústofni sem tilheyrði heimilinu og tók hún fullan þátt í því ásamt foreldrum sínum og systkinum. Á unglingsárum var hún nokkur sumur kaupakona á Suðurlandi en þegar hún var 17 ára réð hún sig í vist til frænku sinnar frú Önnu Bjarnadóttur og manns hennar séra Einars Guðnasonar í Reykholti og þar lágu leiðir þeirra Jóns saman. Á sínum yngri árum var hún heimavinnandi húsmóðir en síðar varð hún stöðvarstjóri Pósts og síma í Reykholti og því starfi sinnti hún þar til hún lét af störfum fyrir aldurs sakir 71 árs. Einn vetur var hún ráðskona í Héraðsskólanum í Reykholti. Heimili Halldóru og Jónas var alltaf mannmargt og stóð öllum opið. Halldóra var virk í félagsstarfi í sveitinni, starfaði með Kvenfélagi Reykdæla, Bridgefélagi Borgarfjarðar og Ungmennafélagi Reykdæla og tók hún m.a. þátt í uppsetningum á fjöldamörgum leikritum með leikdeildinni.	Þorvaldsdóttir, Halldóra Jóhanna (I12497)
2213	Halldóra var ófrísk að sínu áttunda barni þegar hún lést úr Spænsku veikinni.	Eyjólfsdóttir, Halldóra (I20773)
2214	Hallfríður Guðrún Eyjólfsdóttir fæddist í Gilsfjarðarmúla (Múla) við Gilsfjörð 11. ágúst 1866 og ólst þar upp í stórum systkinahóp. Hún er líka þekkt sem Halla á Laugabóli eða Halla skáldkona. Tæplega tvítug réðst hún sem vinnukona að Laugabóli við Ísafjörð innst í Ísafjarðardjúpi. Fáeinum árum síðar giftist hún syni hjónanna þar, Þórði Jónssyni (1858-1914) og eignuðust þau 14 börn saman - þrjú þeirra misstu þau úr barnaveiki sumarið 1904. 1897 tóku Halla og Þórður við búi foreldra hans og eftir að Þórður lést sá Halla um búið, en árið 1921 giftist hún Gunnari Steini Gunnarssyni frá Hvítanesi í Ögursveit við Djúp. Þau héldu áfram búskap til 1935, þegar Sigurður sonur hennar tók við búinu. Eftir Höllu á Laugabóli liggja tvær ljóðabækur, Ljóðmæli sem komu út árið 1919, og Kvæði sem komu út árið 1940, þremur árum eftir andlát hennar. Bækurnar eru miklar að vöxtum og ljóðin margvísleg að allri gerð. Úrval kvæða hennar sem Guðfinna Hreiðarsdóttir gaf út ásamt æviágripi kom út árið 2008 og nefnist bókin Svanurinn minn syngur. Sigvaldi Kaldalóns var nágranni Höllu og tóku þau upp samstarf sem fólst oftast nær í því að Halla færði honum kvæðin og hann samdi lög við þau. Má þar nefna Ég lít í anda liðna tíð og Svanur minn syngur. Halla lést 6. febrúar 1937 og er hún jörðuð í heimagrafreitnum á Laugabóli.	Eyjólfsdóttir, Hallfríður Guðrún (I13860)
2215	Hallgrímur Júlíusson var fæddur að Hóli í Bolungarvík. Hann réri með föður sínum sem drengur og var formaður á róðrabát 12 ára gamall um sumar. Eftir fermingu stundaði hann sjó á mótorbátum frá Bolungarvík og Súgandafirði. Síðar var hann á línuveiðurum, þar til hann réðst á togara frá Reykjavík 1928. Lengst af á Baldri. Hann lauk prófi frá Stýrimannaskólanum í Reykjavík 1932. Árið 1940 fluttist hann til Vestmannaeyja og réðist stýrimaður á Helga og síðar skipstjóri á sama skipi, það var 1941. Árið 1945, að styrjaldarlokum, veitti borgarstjórinn í Fleetwood honum og skipshöfn hans sérstakar heiðursmóttökur, til að þakka þá atorku, þrek og hugrekki, sem skipverjar á Helga höfðu sýnt í millilandasiglingum á styrjaldarárunum. Hafði Helgi þá farið 120 ferðir yfir hafið milli Íslands og Bretlands og siglt um 150 þúsund sjómílur til að færa Bretum björg í bú. Um áramótin 1950 hafði skipið farið samtals um 200 ferðir milli þessara landa. Hallgrímur stundaði síldveiðar á Helga með herpinót á sumrum og síðar í vöruflutningum milli Eyja og Reykjavíkur um árabil. 7. janúar 1950 fórst Hallgrímur ásamt skipi sínu Helga VE 333 við 10 mann á Faxaskeri. Hallgrímur sýndi það og sannaði alla sína skipstjórnartíð, að þar fór afburðamaður í sjómennsku, karlmennsku og dugnaði.	Júlíusson, Hallgrímur (I16618)
2216	Handavinnukennari, símstöðvarstjóri og húsfreyja á Mælifelli í Skagafirði og síðar Syðra-Laugalandi í Eyjafirði. Síðar bús. að Álfabrekku í Eyjafjarðarsveit og loks í Fremri-Hundadal í Dalasýslu.	Magnúsdóttir, Hrefna (I5981)
2217	Handavinnukennari. Var við kennaranám í Danmörku 1925-28. Var á Bakka, Urðasókn, Eyj. 1930. Kennari á Blönduósi 1942-47, á Varmalandi 1947-66, síðar á Sauðárkróki. Síðast bús. á Dalvík. Ógift og barnlaus.	Vilhjálmsdóttir, Helga (I3165)
2218	Handboltamaður, og fékkst við ýmis störf í Vestmannaeyjum. Síðast búsettur í Vestmannaeyjum	Ingibjargarson Arnarson, Kolbeinn Aron "Kolli" (I20883)
2219	Hann er grafinn fyrir framan altarið í Bessastaðakirkju sem þá var.	Stígsson, Páll (I8730)
2220	Hann lagði svo fyrir, að lík hans yrði brennt og askan send til Íslands og jarðsett í grafreit að Hafsteinsstöðum. Var þeim fyrirmælum fylgt og var jarðarför hans virðuleg gerð frá Reynistaðakirkju í Skagafirði.	Jónsson Johnson, Magnús (I13499)
2221	Hann starfaði sem verkfræðingur hjá skrifstofu raforkumálastjóra 1951–52. Kennari við rafmagnsdeild Vélskólans í Reykjavík 1952–53. Verkfræðingur hjá byggingafélaginu Metcalfe-Hamilton á Keflavíkurflugvelli 1953–54. Verkfræðingur hjá Íslenskum aðalverktökum sf. 1954–55. Verkfræðingur hjá flugher Bandaríkjanna 1955–60. Verkfræðingur hjá ráðgjafafyrirtækinu Birch & Krogbo í Kaupmannahöfn 1961–89.	Bergþórsson, Magnús (I10645)
2222	Hann vann keppnina Sterkasti maður heims samtals fjórum sinnum; árin 1984, 1986, 1988 og 1990.	Sigmarsson, Jón Páll (I14688)
2223	Hann var talinn hagur maður á járn og tré.	Jónsson, Jón (I13581)
2224	Hann virðist hafa verið tekin frá Hallgilsstöðum fyrir andlát föður síns og var settur í fóstur líklega til frændfólks í Hafrafellstungu. Því í prestþjónustubók Skinnastaðar í Öxarfirði árin 1816-1868 kemur fram árið 1825 er Benedikt Gunnarsson léttadrengur sagður fara frá Hafrafellstungu að Hreimsstöðum í Múlasýslu væntanlega til Þorsteins Gunnarssonar föðurbróður síns. Þorsteinn, var sonur Skíða-Gunnars, bjó á Hreimsstöðum í Hjaltastaðaþinghá og var fyrsti alþm. Norðmýlinga,1845. Í manntali fyrir árið 1835 er er Benedikt Gunnarsson 17 ára skráður fóstursonur Hólmfríðar (f.2. maí 1797 – l.11. ágúst 1864) sem þá er húsfreyja að Áslaugarstöðum í Vopnafirði hún var alsystir Elísabetar móður Benedikts, líklega er þarna komin Benedikt sonur Elísabetar og Gunnars Gunnarssonar. Árið 1840 er Benedikt nokkur Gunnarsson 23 ára skráður vinnumaður á Hjartarstöðum,í Eiðasókn, Suður-Múlasýsla og passar það við aldur að þar sé téður Benedikt Gunnarsson komin. Líklega hefur Benedikt farið úr Vopnafirði þar sem hann hafði dvalið hjá Hólmfríði móðursystir sinni til Guðnýjar Gunnarsdóttur föðursystur sinnar á Hjartarstöðum í Eiðaþinghá. Sennilega er hann þarna að færa sig nær Sigurði bróðir sínum, því síðan er hann samkvæmt manntali 1845 kominn í Valþjófsstaði í Fljótsdal.	Gunnarsson, Benedikt (I20567)
2225	Hannes Kristinn Óskarsson var fæddur í Vestmannaeyjum 19. desember 1957. Hann byrjaði að starfa með Hjálparsveit skáta 12. júlí 1979 og var kjörinn í stjórn hennar 29. mars 1980. Hannes tók við stöðu aðstoðarforingja réttu ári síðar, en sveitarforingi varð hann 9. október 1981. Hann var yngstur þeirra manna sem gegndu stöðum sveitarforingja hjálparsveitanna þrettán sem störfuðu á landinu á þeim tíma. En þrátt fyrir lágan aldur var hann þrautþjálfaður björgunarmaður og meðal annars var hann ágætur kafari. Aðfaranótt 21. febrúar 1982 strandaði belgíski togarinn Pelagus við Vestmannaeyjar. Björgunarmenn hröðuðu sér á vettvang og hófu erfiða og hættulega björgun. Þegar fjórum skipbrotsmönnum hafði verið bjargað í land, var ákveðið að senda björgunarmenn á línu út í hið strandaða skip til að aðgæta hvort þrír skipverjar sem enn voru um borðs væru lífs eða liðnir. Það duldist engum að þarna var um hættuför að ræða og til fararinnar völdust hæfustu menn. Björgunarmönnum tókst að koma tveimur skipsverjum í land, en þegar þeir reyndu að ná þeim þriðja úr helgjargreipum dauðans hálfmeðvitundalausum varð hörmulegur atburður. Ægileg boðaföll sem stanslaust gengu yfir skipið og mennina og færðu allt í kaf, gripu skipverjann unga og tvo íslenska björgunarmenn. Þrátt fyrir hetjulegar tilraunir tókst öðrum björgunarmönnum ekki að ná til þeirra og fórust þarna þrír menn. Íslendingarnir tveir sem fórust voru Kristján K. Víkingsson, læknir 32 ára, og Hannes Kristinn. Hannes Kristinn var nýlega orðinn 24 ára þegar hann lést, hann var ókvæntur en lét eftir sig foreldra og unnustu.	Óskarsson, Hannes Kristinn (I9593)
2226	Hannes Sigfússon fæddist í Reykjavík 2. mars 1922. Foreldrar Hannesar voru Kristín Jónsdóttir (1886-1970) og Sigfús Guðmundur Sveinbjarnarson (1866-1931). Systkini Hannesar voru Lára Margrét (Gréta Sigfúsdóttir rithöfundur) (1910-1991), (Sveinbjörn Hannes) Þráinn (1911-1977), og Hrefna Kristín (1917-2004). Eiginkona Hannesar (frá 1953) var Synnöve Jansen (1915-1988). Sambýliskona hans síðustu árin var Guðný Gestsdóttir (1922-2015). Hannes stundaði gagnfræðanám við Ingimarsskólann í Reykjavík. Hann vann eftir það ýmis störf hér á landi, m.a. sem aðstoðarvitavörður í Reykjanesvita og í nokkur ár sem starfsmaður hjá Borgarbókasafni Reykjavíkur. Hannes flutti til Noregs í byrjun sjötta áratugarins þar sem hann starfaði m.a. sem bókavörður í Stafangri og Fredriksdal þar til hann flutti aftur til Íslands 1988. Hannes var eitt helsta ljóðskáld sinnar kynslóðar. Hann var brautryðjandi í íslenskri ljóðagerð og mikilvirkur ljóðaþýðandi. Ljóðabækur hans eru átta: Dymbilvaka (útg. 1949), Imbrudagar (útg. 1951), Sprek á eldinn (útg. 1961), Jarteikn (útg. 1966), Örvamælir (útg. 1978), Lágt muldur þrumunnar (útg. 1988), Jarðmunir (útg. 1991), og Kyrjálaeiði (útg. 1995). Skáldsögur hans eru tvær: Strandið (útg. 1955), og Ljósin blakta (útg. 1993). Hannes ritaði endurminningar sínar sem voru gefnar út í tveimur bindum: Flökkulíf (útg. 1981), og Framhaldslíf förumanns (útg. 1985). Eftir Hannes liggur einnig mikið af þýðingum, m.a.: Tvennir tímar e. Knut Hamsun (útg. 1958), Í töfrabirtu e. William Heinesen (útg. 1959), Blóðbrullaup e. Federico García Lorca (útg. 1959), og Norræn ljóð (útg. 1972). Hannes lést á heimili sínu 13. ágúst 1997 og fór útför hans fram frá Dómkirkjunni í Reykjavík 21. ágúst. Ítarefni: Einar Bragi: „Viðtal við Hannes Sigfússon“. Birtíngur. Reykjavík, 1958. Inga Huld Hákonardóttir: „Saga ljóðskálds. Rætt við Hannes Sigfússon“. Sunnudagsblað Tímans 15. september 1968. Silja Aðalsteinsdóttir: „Hægt felldi ég heim minn saman. Viðtal við Hannes Sigfússon um skáldskap og sannleika“. Tímarit Máls og menningar. Reykjavík, 1989.	Sigfússon, Hannes Sigurður (I19812)
2227	Harald ólst upp hjá móður sinni í Reykjavík, frá fimm til tólf ára aldurs hafði hann sumardvöl hjá móðurfólki sínu í Hestgerði í Suðursveit. Frá árinu 1956 til 1962 vann hann sumarstörf hjá Vegagerð ríkisins. Harald gekk í Miðbæjarskólann og síðan í Gagnfræðaskóla verknáms. Hann lauk loftskeytaprófi 1963, sveinsprófi/löggildingarprófi í rafvirkjun og prófi frá Arbetarskyddsstyrelsen í Svíþjóð í heilbrigðis- og vinnuverndarfræðum. Hann lauk diplómanámi í mannauðsstjórnun frá HR. Harald starfaði hjá Landhelgisgæslunni og Hafrannsóknastofnun um 10 ára skeið sem loftskeyta- og tækjamaður. Eftirlitsmaður með rafkerfum skipa hjá Siglingamálastofnum, heilbrigðisráðunautur við Heilbrigðiseftirlit ríkisins og starfaði við mengunarmælingar hjá Hollustuvernd ríkisins á árunum 1976-1985. Hann var framkvæmdastjóri Farmanna- og fiskimannasambands Íslands frá 1985-1990 og framkvæmdastjóri Stýrimannafélags Öldunnar frá 1990-1994, loftskeyta- og fjarskiptamaður hjá Reykjavíkradíó 1994-2003, vakt- og varðstjóri í stjórnstöð Landhelgisgæslunnar og hjá Vaktstöð siglinga frá 2003 og til starfsloka. Harald starfaði ötullega að félagsmálum sjómanna. Sat m.a. í stjórn Farmanna- og fiskimannasambands Íslands, fulltrúi Félags ísl. loftskeytamanna í sjómannadagsráði, í ritnefnd Sjómannadagsblaðsins og varaformaður Félags íslenskra loftskeytamanna. Harald byrjaði ungur að leika á harmonikku og trommur, lék í hljómsveitum á yngri árum, með Gretti Björnssyni o.fl. Harald var formaður Félags aldraðra í Mosfellsbæ og nágrennis / FaMos frá 2014-2018.	Holsvik, Harald Sigurbjörn (I10801)
2228	Hárgreiðslumeisari og kokkur. Síðast búsettur í Reykjavík.	Sighvatsson, Magnús Torfi (I21143)
2229	Hárgreiðslumeistari. Var á Njálsgötu 56, Reykjavík 1930. Síðast búsett í Hafnarfirði.	Björnsdóttir, Þórunn (I21091)
2230	Háseti á Dalvík 1930. Síðast bús. á Dalvík.	Sigurjónsson, Finnur Guðlaugur (I3342)
2231	Háseti á Siglufirði 1930. Netagerðarmaður á Akureyri, Siglufirði og Dalvík.	Jónsson, Jónas (I3237)
2232	Háseti á togaranum Oldenburg. Til heimilis í Þýskalandi.	Von Hafen, Werner (I18676)
2233	Háseti á vélbát frá Ísafirði 1930. Skipstjóri og útgerðarmaður í Súðavík. Síðast búsettur í Bolungarvík.	Elíasson, Jakob Rósinkar (I22134)
2234	Háseti á Vesturvegi 13 A, Vestmannaeyjum 1930. Vélstjóri, síðast bús. í Svalbarðsstrandarhreppi.	Benediktsson, Sigmar Bergvin (I3650)
2235	Háseti í Sandgerði, Búðasókn, S-Múl. 1930. Sjómaður á Fáskrúðsfirði og í Vestmannaeyjum.	Guðmundsson, Páll Jóhannes (I21133)
2236	Háseti og leigjandi Bakkastíg 2, Vestmannaeyjum 1930	Guðmundsson, Vigfús (I19685)
2237	Haukur fór fjórtán ára til sjós og var sjö vertíðir nánast eingöngu á aflabátnum Guðfinni KE 132 auk þess sem hann starfaði í landi fyrir sömu útgerð. Hann tók meirabifreiðapróf 1947 og hóf þá leigubifreiðaakstur í Keflavík. Hann var einn af stofnendum Aðalstöðvarinnar 1948 og var stjórnarformaður hennar í tuttugu og sex ár. Þá var hann stöðvarstjóri Aðalstöðvarinnar 1953-73. Haukur hóf síðan störf hjá Íslenskum aðalverktökum á Keflavíkurflugvelli og var verkstjóri þar 1974-97 er hann hætti störfum fyrir aldurs sakir. Haukur var einn af stofnendum Golfklúbbs Suðurnesja 1964, sat í stjórn klúbbsins um árabil og var formaður hans í þrjú ár. Haukur æfði knattspyrnu með UMFK og keppti sem markmaður með aðalliði ungmennafélagsins í sjö sumur. Þá tefldi hann töluvert á skákmótum og var skákmeistari Suðurnesja 1946.	Magnússon, Haukur Hersir (I1022)
2238	Haukur lauk landsprófi frá Laugarvatni og stundaði síðan nám í Menntaskólanum á Ísafirði og einnig nam hann rafiðnaðarfræði í Iðnskólanum í Reykjavík. Hann tók hlé í iðnnámi vegna alvarlegra veikinda en tók síðan aftur til við nám í Rafiðnaðarskóla Reykjavíkur. Hann varð nemandi við Listdansskóla Þjóðleikhússins og tók þátt í nokkrum sýningum. Veikindi bundu enda á þann feril, sem hann sýtti alla tíð. Þótti hann með efnilegri listdönsurum landsins. Haukur starfaði við tölvuvinnslu í nokkur ár en aftur settu veikindi strik í reikninginn og leiddu til þess að hann varð öryrki. Hann var ógiftur og barnlaus.	Clausen, Haukur Arrebo (I19333)
2239	Heimiliskennari Staðarbakka og Núpi í Dýrafirði 1904-1906. Kennari Hrunamannahreppi 1905-1906, Landsveit 1906-1909. Bsk í Haukadal í Dýrafirði 1909-1912 og 1913-1914. Stundakennari Reykjavík 1914-1915, Vestmannaeyjum 1915-1916, Alþýðuskólanum Núpi 1916-1918.	Jónsdóttir, Guðný (I13847)
2240	Helga gerðist matráðskona í Vestmannaeyjum fyrstu árin eftir að Eðvald dó. Árið 1945 gerðist hún ráðskona, fyrst á Hárlaugsstöðum og síðan hjá Gísla Gíslasyni í Keflavík. Helga var mikil félagsvera og tók þátt í ýmsum félagsstörfum, svo sem Kvenfélagi Keflavíkur og Systrafélagi Keflavíkurkirkju. Hún var formaður Inner Wheel eitt tímabil, síðan kenndi hún föndur hjá æskulýðsstarfi í Keflavík. Helga var lengi í stjórn og skemmtinefnd Vestmannaeyjafélagsins í Keflavík, sérstaklega í kringum gosið.	Jónsdóttir, Ágústa Helga (I1006)
2241	Helgi byrjaði ungur að vinna ýmsa verkamannavinnu og var til sjós á vertíðum, m.a. á Suðurnesjum og í Vestmannaeyjum, þar kynntist hann Jónu Björk konu sinni. Þau tóku við búi í Alviðru 1958 og bjuggu þar til dauðadags. Ásamt hefðbundnum búskap í Alviðru ráku Jóna og Helgi gistiþjónustu undir merkjum Ferðaþjónustu bænda.	Árnason, Helgi (I10925)
2242	Helgi lauk Flensborgarskóla í Hafnarfirði 1950 og tók mótorvélstjórapróf í Reykjavík 1963. Hann var yfirvélstjóri á Skagaröst KE og Helgu RE 1963-73, vann á þungavinnuvélum hjá Krananum hf. 1973-79, var vélstjóri/vaktstjóri hjá Sorpeyðingarstöð Suðurnesja 1980-89 og sat þar í stjórn. Síðustu tíu ár ævi sinnar starfaði hann sem húsvörður í Myllubakkaskóla í Keflavík.	Guðleifsson, Helgi (I7902)
2243	Helgi Oddur Skúlason fæddist í Keflavík 4. september 1933. Hann var gagnfræðingur frá Héraðsskólanum á Laugarvatni og leikari frá Leiklistarskóla Þjóðleikhússins 1954. Að námi loknu var Helgi leikari hjá Þjóðleikhúsinu til ársins 1959. Hann var leikari og leikstjóri hjá Leikfélagi Reykjavíkur frá árinu 1959 til 1976 og hélt þeim störfum áfram hjá Þjóðleikhúsinu til dauðadags. Helgi túlkaði fjölda persóna á leiksviðinu og er hans m.a. minnst fyrir hlutverk Ríkharðs III í Þjóðleikhúsinu árið 1986, Róberts Belfords í Marmara 1988, Eugene O'Neill í Seið skuggana 1994 og Jóns Hreggviðssonar í Íslandsklukkunni árið 1985. Síðasta hlutver Helga var bílstjórinn í Í hvítu myrkri, sem frumsýnt var fyrir hálfum mánuði. Silfurlampann, verðlaun leiklistargagnrýnenda, hlaut Helgi fyrir túlkun sína á Franz í Föngunum í Altóna. Hann leikstýrði m.a. Nótt ástmeyjanna, Ödipusi konungi, Amadeusi og Syni skóarans og dóttur bakarans í Þjóðleikhúsinu og verkunum Sumarið '37, Sjóleiðin til Bagdad, Hús Bernörðu Alba og Sú gamla kemur í heimsókn hjá Leikfélagi Reykjavíkur. Síðasta leikstjórnarverkefni Helga eftir ríflega áratugar hlé var Þrjár konur stóra hjá Kjallaraleikhúsinu síðastliðinn vetur. Þá lék Helgi meðal annars í eftirtöldum kvikmyndum: Blóðrautt sólarlag, Útlaginn, Húsið, Hrafninn flýgur, Í skugga hrafnsins, Hvíti víkingurinn, Leiðsögumaðurinn (í Noregi), Svo á jörðu sem á himni, Kristnihald undir Jökli, Hin helgu vé og Agnes. Hann var tilnefndur til Evrópsku kvikmyndaverðlaunanna fyrir leik sinn í kvikmyndinni Í skugga hrafnsins. Þá hafði Helgi einnig um tíma yfirumsjón með leikhúsi Ríkisútvarpsins, leikstýri það ýmsum verkum og lék fjölda hlutverka á þeim vettvangi. Helgi var í stjór Leikfélags Reykjavíkur á árunum 1960 til 1965, þar af formaður frá árinu 1962 til 1965, og varaformaður Félags íslenskra leikara 1975 til 1979. Hann var einn af forvígismönnunum að stofnun Félags leikstjóra á Íslandi 1972 og fyrsti formaður þess, og rak leiklistarskóla um langt árabil. Hann var tekinn í heiðurslaunaflokk Alþingis 1995. Helgi lést á Landspítalanum 30. september 1996 og hvílir hann í Hólavallakirkjugarði.	Skúlason, Helgi Oddur (I16517)
2244	Helgi ólst upp á Kárastöðum, gekk í barnaskóla á Ljósafossi í Grímsnesi, gagnfræðaskóla á Brúarlandi í Mosfellsveit og síðan í Loftskeytaskólann í Reykjavík. Hann stundaði ýmis störf frá 1971-1979, meðal annarra á Eldborgu GK-13, hjá JP Innréttingum og í Áburðarverksmiðjunni í Gufunesi. Helgi og Tóta tóku við búinu á Kárastöðum árið 1979, jafnframt tók hann við starfi hreppstjóra af föður sínum og gegndi því þar til embætti hreppstjóra var aflagt á landinu. Þau stunduðu sauðfjárbúskap þar til árið 1986, er þau hófu rekstur Þjónustumiðstöðvarinnar á Þingvöllum, sem þau hafa rekið síðan.	Guðbjörnsson, Helgi (I10910)
2245	Helgi ólst upp við almenn sveitastörf á Grænavatni. Hann lauk búfræðiprófi frá Bændaskólanum á Hólum í Hjaltadal 1942. Hann gerðist bóndi á Grænavatni 1945 og bjó þar fyrst með föður sínum, en síðar með Haraldi, syni sínum. Sinnti hann bústörfum öllum stundum þar til hann flutti á Dvalarheimilið að Kjarnalundi á Akureyri. Helgi var virkur í félagslífi sveitarinnar, sýslunnar og samtaka bænda á Íslandi. Hann var m.a. hreppstjóri Skútustaðahrepps í 19 ár, umboðsmaður skattstjóra í 29 ár, fulltrúi Stéttarsambands bænda í 12 ár, formaður Búnaðarsambands Suður-Þingeyinga í 9 ár, formaður Sparisjóðs Mývetninga í 27 ár, gjaldkeri Sjúkrasamlags Mývetninga í 20 ár, fulltrúi í sýslunefnd í 20 ár og í hreppsnefnd Skútustaðahrepps í 16 ár.	Jónasson, Helgi (I10145)
2246	Helmingur í E-04-13 og helmingur í A-9.	Einarsson, Gunnar (I534)
2247	Hennar seinni maður.	Fjölskylda: Jóhann Ísak Jónsson / Friðbjörg Þorvaldsdóttir (F5695)
2248	Hennar son, tökubarn á Hjaltastöðum, Vallasókn, Eyj. 1880. Bóndi og járnsmiður á Ingvörum, Svarfaðardalshr. og á Dalvík. Bjó á Ingvörum 1906-27 en rak þar bú til 1931 þó fluttur væri til Dalvíkur. Járnsmiður á Dalvík 1930. Rak þar verkstæði.	Jónsson, Jón Kristinn (I3255)
2249	Henný Eldey Vilhjálmsdóttir (eða Elly Vilhjálms eins og hún er kölluð) fæddist í Merkinesi í Höfnum á Suðurnesum 28. desember 1935, ein af fimm systkinum, en hún var eina stúlkan. Eldey stundaði nám við Héraðsskólann á Laugarvatni og það var þar sem hún fékk gælunafnið Elly (ath. ekki Ellý!). Hún var síðan vélritunarstúlka í Reykjavík og sótti leiklistarnám hjá Ævari Kvaran. Hún lauk svo stúdentsprófi frá öldungadeild MH, löngu síðar, 1985. Elly söng fyrst með Hljómsveit Bjarna Böðvarssonar, föður Ragga Bjarna dægurlagasöngvara. Bjarni var með vikulega útvarpsþætti þar sem hann kynnti þessa söngkonu. Þjóðin féll í stafi og Elly varð ein ástsælasta og virtasta dægurlagasöngkonan, fyrr og síðar. Hún söng síðan með KK sextettinum, Orion, Hjómsveit Kristjáns Magnússonar, Hljómsveit Jóns Páls og Hljómsveit Svavars Gests. Elly söng u.þ.b. hundrað lög inn á hljómplötur, m.a. með Vilhjálmi bróður sínum, lög Sigfúsar Halldórssonar og ýmis jólalög. Fyrsta platan sem Elly söng inn á var smáskífa með laginu: Ég vil fara upp í sveit, sem kom út 1960. Sólóplötur hennar urðu einungis tvær: Lög úr söngleikjum og kvikmyndum, sem kom út hjá SG-hljómplötum 1966, og jólaplatan Jólafrí, sem Skífan gaf út 1988. Með þekktustu lögum sem Elly söng má nefna Ég veit þú kemur eftur Oddgeir Kristjánsson og Ása í Bæ, og Lítill fugl, eftir Örn Arnarson og Sigfús Halldórsson. Elly lést í Reykjavík 16. nóvember 1995 af völdum krabbameins. Hún hvílir í Fossvogskirkjugarði við hlið manns síns, Svavars Gests.	Vilhjálmsdóttir, Henný Eldey (I16463)
2250	Héraðslæknir á Eiðum, Eiðaþinghá, S-Múl. og víðar, síðast í Vestmannaeyjum	Lárusson, Ólafur Óskar (I19695)

Umsjón síðu Rakel Bára Þorvaldsdóttir. | Persónuverndarstefna.

The headstone images found on this site are for personal use only. Copying images to commercial websites (that require paid subscriptimons) or publications is prohibited. If in doubt, please contact me. Please remember to link back if you use photographs from this site.