Hannes Sigurður Sigfússon

1922 - 1997  (75 ára)

• Fornafn	Hannes Sigurður Sigfússon  [1, 2, 3]
  Fæðing	2 mar. 1922	Reykjavík, Íslandi   [1, 2, 3, 4]
  Menntun	Ingimarsskólanum / Gagnfræðiskólanum í Reykjavík, Reykjavík, Íslandi   [4]
  	Stundaði gagnfræðinám.
  Andlát	13 ágú. 1997	Reykjavík, Íslandi   [1, 2, 3, 4]
  Greftrun	21 ágú. 1997	Fossvogskirkjugarði - duftgarði, Reykjavík, Íslandi   [1]
  		Hannes Sigurður Sigfússon Plot: D-3-156
  Nr. einstaklings	I19812	Legstaðaleit
  Síðast Breytt	13 ágú. 2023

  
  

• Athugasemdir

  Hannes Sigfússon fæddist í Reykjavík 2. mars 1922. Foreldrar Hannesar voru Kristín Jónsdóttir (1886-1970) og Sigfús Guðmundur Sveinbjarnarson (1866-1931). Systkini Hannesar voru Lára Margrét (Gréta Sigfúsdóttir rithöfundur) (1910-1991), (Sveinbjörn Hannes) Þráinn (1911-1977), og Hrefna Kristín (1917-2004). Eiginkona Hannesar (frá 1953) var Synnöve Jansen (1915-1988). Sambýliskona hans síðustu árin var Guðný Gestsdóttir (1922-2015). Hannes stundaði gagnfræðanám við Ingimarsskólann í Reykjavík. Hann vann eftir það ýmis störf hér á landi, m.a. sem aðstoðarvitavörður í Reykjanesvita og í nokkur ár sem starfsmaður hjá Borgarbókasafni Reykjavíkur. Hannes flutti til Noregs í byrjun sjötta áratugarins þar sem hann starfaði m.a. sem bókavörður í Stafangri og Fredriksdal þar til hann flutti aftur til Íslands 1988. Hannes var eitt helsta ljóðskáld sinnar kynslóðar. Hann var brautryðjandi í íslenskri ljóðagerð og mikilvirkur ljóðaþýðandi. Ljóðabækur hans eru átta: Dymbilvaka (útg. 1949), Imbrudagar (útg. 1951), Sprek á eldinn (útg. 1961), Jarteikn (útg. 1966), Örvamælir (útg. 1978), Lágt muldur þrumunnar (útg. 1988), Jarðmunir (útg. 1991), og Kyrjálaeiði (útg. 1995). Skáldsögur hans eru tvær: Strandið (útg. 1955), og Ljósin blakta (útg. 1993). Hannes ritaði endurminningar sínar sem voru gefnar út í tveimur bindum: Flökkulíf (útg. 1981), og Framhaldslíf förumanns (útg. 1985). Eftir Hannes liggur einnig mikið af þýðingum, m.a.: Tvennir tímar e. Knut Hamsun (útg. 1958), Í töfrabirtu e. William Heinesen (útg. 1959), Blóðbrullaup e. Federico García Lorca (útg. 1959), og Norræn ljóð (útg. 1972). Hannes lést á heimili sínu 13. ágúst 1997 og fór útför hans fram frá Dómkirkjunni í Reykjavík 21. ágúst. Ítarefni: Einar Bragi: „Viðtal við Hannes Sigfússon“. Birtíngur. Reykjavík, 1958. Inga Huld Hákonardóttir: „Saga ljóðskálds. Rætt við Hannes Sigfússon“. Sunnudagsblað Tímans 15. september 1968. Silja Aðalsteinsdóttir: „Hægt felldi ég heim minn saman. Viðtal við Hannes Sigfússon um skáldskap og sannleika“. Tímarit Máls og menningar. Reykjavík, 1989. [2, 3, 4]

  
  

• Skjöl

  Hannes Sigurður Sigfússon

  
  

  Andlitsmyndir

  Hannes Sigurður Sigfússon

  
  

  Minningargreinar » Hefja myndasýningu		Hannes Sigurður Sigfússon
  		Hannes Sigurður Sigfússon
  		Hannes Sigurður Sigfússon




• Kort yfir atburði		Fæðing - 2 mar. 1922 - Reykjavík, Íslandi Andlát - 13 ágú. 1997 - Reykjavík, Íslandi Greftrun - 21 ágú. 1997 - Fossvogskirkjugarði - duftgarði, Reykjavík, Íslandi  = Tengill á Google Earth
  Skýringar á merkingum	: Heimilisfang       : Staðsetning       : Bær/Borg       : Hreppur       : Sýsla       : Land       : Ekki stillt

  
  

• Heimildir

  [S1] Gardur.is. [S31] Morgunblaðið, 15. ágúst 1997:56. [S31] Morgunblaðið, 23. ágúst 1997:42. [S31] Morgunblaðið, 21. ágúst 1997:40.