Guðjón Samúelsson

1887 - 1950  (63 ára)

• Fornafn	Guðjón Samúelsson  [1, 2]
  Fæðing	16 apr. 1887	Hunkubökkum, Kirkjubæjarhr., V-Skaftafellssýslu, Íslandi   [1, 2]
  Menntun	1919	Det Kongelige Danske Kunstakademi, København, Region Hovedstaden, Danmark   [2]
  	Lauk námi í byggingarlist fyrstur Íslendinga.
  Andlát	25 apr. 1950  [1]
  Greftrun	3 maí 1950	Hólavallagarði við Suðurgötu, Reykjavík, Íslandi   [1]
  		Guðjón Samúelsson Plot: M-415
  Nr. einstaklings	I16085	Legstaðaleit
  Síðast Breytt	27 jan. 2022

  
  

• Athugasemdir

  Guðjón Samúelsson fæddist á Hunkubökkum á Síðu 16. apríl 1887. Hann fluttist þriggja ára gamall með foreldrum sínum á Eyrarbakka og aldamótaárið til Reykjavíkur. Faðir hans, Samúel Jónsson, var góður trésmiður og sonurinn fékk því snemma áhuga á húsagerð. Það varð úr að Guðjón nam teikningu hjá Stefáni Eiríkssyni, hinum oddhaga, í Reykjavík og tungumál lærði hann hjá Þorsteini Erlingssyni þjóðskáldi. Þetta nám kom Guðjóni vel þegar hann fór til Kaupmannahafnar árið 1908 til þess að sækja þar frekara nám í húsagerðarlistinni. Árið 1915 snéri Guðjón heim til Íslands og fyrsta húsið sem hann var fenginn til að teikna var hið fræga hús Nathans & Olsen á horni Austurstrætis og Pósthússtrætis. Um þetta leyti lést þáverandi byggingafræðingur landsstjórnarinnar, Rögnvaldur Ólafsson, og fór Jón Magnússon, forsætisráðherra þess á leit við Guðjón að hann tæki að sér starf húsameistara ríkisins. Guðjóni leist vel á þetta boð, fór á ný til Kaupmannahafnar og lauk þar námi og tók síðan við þessu nýja starfi 20. apríl 1920. Á þeim 30 árum sem Guðjón starfaði sem húsameistari ríkisins teiknaði hann og aðstoðarmenn hans ótrúlegan fjölda húsa. Af húsum í Reykjavík sem húsameistari teiknaði má nefna: Hæstarétt, Hótel Borg, Sundhöll Reykjavíkur, Laugarneskirkju, Kleppsspítala, Háskóla Íslands, Hallgrímskirkju, Þjóðleikhúsið, Landsspítalann, Landsbankann, Landsímahúsið, Landakotskirkju og Arnarhvol. Á Akureyri má nefna: Akureyrarkirkju, Sundlaug Akureyrar, Húsmæðraskólann, Landsbanka Íslands, Fjórðungssjúkrahúsið, Barnaskóla Akureyrar og Gagnfræðaskóla Akureyrar. Guðjón lést 25. apríl 1950 og hvílir í Hólavallagarði við Suðurgötu. [3]

  
  

• Ljósmyndir		Guðjón Samúelsson húsameistari ríksins og Jónas Jónsson frá Hriflu á göngu á Laugarvatni undir ís.
  		Efri röð f.v.: Ólafur Jónsson Hvanndal (f.1879 - d.1954) prentmyndameistari í Reykjavík, Sumarliði ?, Ríkarður Rebekk Jónsson (f.1888 - d.1977) myndskeri og myndhöggvari í Reykjavík, Guðjón Baldvinsson (f.1883 - d.1911) stúdent og kennari Akureyri, Guðjón Samúelsson (f.1887 - d.1950) húsameistari. Fyrir framan f.v. Ólafía Elísabet Ólafsdóttir (f.1873 - d.1952), María Ólafsdóttir (f.1881 - d.1967), Björg Elísabet Stefánsdóttir (f.1842 - d.1917) frá Stakkahlíð og Guðlaug Ólafsdóttir (f.1876) Mynd fengin hjá Héraðsskjalasafni Austfirðinga Staður: Borgarfjörður. Ljósmyndastofa: Atelier Bon Marche, Kaupmannahöfn. Ljósmyndari: Óþekktur.

  
  

  Andlitsmyndir		Guðjón Samúelsson
  		Guðjón Samúelsson




• Kort yfir atburði		Fæðing - 16 apr. 1887 - Hunkubökkum, Kirkjubæjarhr., V-Skaftafellssýslu, Íslandi Greftrun - 3 maí 1950 - Hólavallagarði við Suðurgötu, Reykjavík, Íslandi  = Tengill á Google Earth
  Skýringar á merkingum	: Heimilisfang       : Staðsetning       : Bær/Borg       : Hreppur       : Sýsla       : Land       : Ekki stillt

  
  

• Heimildir

  [S1] Gardur.is. [S400] Byggingarlystin, 01.01.1951, s. 10. [S34] Dagur, 12.03.1993, s. 8-9.